CEBU, Philippines - Ang kagamhanan sa probinsiya sa Sugbo mohatag og pinansiyal nga tabang ngadto sa nahibiling pamilya sa 6-anyos nga batang babaye nga si Lara May Concoles nga gipatay sa iyang uyoan didto sa lungsod sa Tabuelan.
Matud ni Gobernador Gwendolyn Garcia nga gibati siya og kaluoy sa biktima human niya mabahibaw-i ang gidangatan niini pinaagi sa mantalaan.
Ang gobernadora nitumbok nga iya nang gimanduan ang Provincial Social Welfare and Development Office (PSWDO) sa ilang tabang nga pinansiyal.
Kahinumdoman nga gipatay pag-unay ni Efren Matideos ang pag-umangkon niini nga si Concoles niadtong milabay’ng adlaw ug giingon nga gikaon sa iyang uyoan ang atay sa biktima.
Hinuon ang gobernadora nisalig sa kapolisan sa pagpangita sa hustisya sa maong biktima pinaagi sa pagtaral sa suspetsado ngadto sa hukmanan. (BANAT NEWS)