Balaodnon ni Garcia siguradong mapasar

CEBU, Philippines -  Masaligon si 3rd district Representative Pablo John Garcia nga mapasar sa Kongreso ang iyang balaodnon kalabot sa representation sa gobernador sa lalawigan sa Sugbo ngadto sa Cebu Port Authority (CPA) Board.

Gibutyag   ni   Congressman Pablo John sa mga tigbalita atol sa 3rd Congressman PJ Cup sa dakbayan sa Toledo nga nasiguro niyang makalusot ang maong balaodnon sanglit kinahanglanon kaayo ang representasyon sa gobernador sa CPA board.

Matud pa niya nga pipila sa mipabor sa maong balaodnon mao si Cebu City North District Representative Cutie Del Mar kay nakita niini nga angayan lamang nga malakip ang gobernador sa Lalawigan sa Sugbo ug mayor sa Dakbayan sa Sugbo sa nahisgutang board.

Sa nasayran, gipanday ni kongresista Pablo John ang maong balodnon sa tuyo nga mahatagan og kahigayonan nga makasalmot ang   Local Government Unit (LGU) sa mga kalihokan sa Cebu Port Authority Board ilabi na sa natad sa pagpanggama og mga pamalaod niini nga may labot sa pamaagi sa puwerto. (BANAT NEWS)