Pagsalida sa sud sa USB ni Santos wa madayon

CEBU, Philippines - Gibasura sa korte ang gisang-at nga motion for partial reconsideration nga gisang-at sa kampo sa Criminal Investigation and Detection Group kalabot sa Pajero nga gipanag-iya sa gitumbok nga suspetsado nga si Bella Ruby Santos.

Si Executive Judge Meindrado Paredes mibasura sa gisang-at nga mosyon sa kampo sa CIDG tungod sa kapakyas sa CIDG nga depensahan ang ilang argumento ug kun nganong angayan nga ipabilin ang maong sakyanan hinungdan nga nakadesider kini nga iyang ibasura ang maong mosyon.

Giklaro ni Paredes nga ang isyu kalabot kun si kinsa ang responsable sa pag-tamper sa plate number sa Pajero gikan sa LHJ-382 ngadto sa LMJ-382 magpabiling alegasyon.

“The theory of the applicant is that the suspect must have tampered with the plate number to mislead the public. This allegation remains allegation. Allegation is not evidence,” pasabot pa ni Judge Paredes. Samtang wala usab madayon ang public viewing sa USB flash drive ug video camera nga gipanag-iya ni Santos human nagkasumpaki ang duha ka kampo.

Ang kampo sa CIDG mi-insister nga ang gamiton sa pagpakita sa mga sulod sa video camera ug flash drive mao ang laptop sa gobiyerno nga gipanag-iya usab sa CIDG.

Apan ang kampo ni Santos wala makauyon sa diha nga nadunggan nila ang gibutyag sa CIDG hinungdan nga nakig-debate sila niini.

Tungod sa wala pagkasinabot sa duha ka kampo si Paredes sa iyang bahin nakadesider nga e-postpone nalang ang maong public viewing ug buhaton kini karung umaabot Mayo 6.

Iyang gimandoan ang duha ka kampo sa pagdala og ilang tagsa-tagsa ka information technology experts.

Si Santos nalipay sa maong desisyon nga mahauli na gayud kaniya ang Pajero ug sex toys.

Apan giklaro ni Santos nga dili na niya gamiton ang mga sex toys nga nakuha sa CIDG tungod kay iyang pagduda aduna na kini chemical.

“Ang sex toys ako nalang to sunogon, ganahan ta ko mogamit but nana toy chemicals mao di na nako gamiton kay gipaslak to sa ---- sa CIDG,” pasabot pa ni Santos.

Samtang ang amahan ni Ellah Joy nga si Renante masaligong dili makapahuyang sa ilang gisang-at nga kaso ang pag-uli sa maong mga ebidensya.

Midugang usab si Renante nga daw nahadlok siya ni Santos atol sa nahitabong hearing human siya gihiwi-an niini. (EIM) (BANATNEWS)