Nagtangkil og armas sikop

CEBU, Philippines - Nadakpan sa kapolisan ang usa ka tawo nga nagdala og armas nga kalibre 45 sulod sa diskohan   sa barangay Hilutungan, sa lungsod sa Cordova sa miaging gabii.

Ang nadakpan mao si Proses Badayos, 36, ulitawo, lumad nga taga barangay Suba-Pasil, sa dakbayan sa Sugbo.

Ang misikop sa suspetsado mao ang team sa kapolisan nga naglakip kanila ni PO2 Samson Igot ug PO1 Ryan Casiban.

Si PO2 Igot miingon nga nasigpatan sa pipila ka mga tawo sa maong dapit ang suspetsado nga nagluklok og armas sa iyang hawak busa ila kining gisignit.

Sa mga pagsukitsukit nga gihimo wala makahatag og maayong pagpasabot si Badayos sa hinungdan sa iyang pagdala sa maong armas ug wala usab makapakita og mga dokumento nga maoy magmatuod nga legal ang iyang paghupot niini.

Ang kasong kalapasan sa Republic Act 8294 kon illegal nga paghupot og armas maoy ilang gipasaka batok sa maong dinakpan kinsa kasamtangan karong gibalhog sa bilanggoan.   - BANAT NEWS