SKF gidasig ang mga kabataan sa Semana Santa

CEBU, Philippines - Gidasig ni Sangguniang Kabataan Federation (SKF) Cebu City Chapter president John Philip Po II ang tanang chairman sa SK ang mga kabatan-onan sa siyudad nga manginlabot sa mga kalihukan sa Semana Santa.

Sumala pa ni Po nga dako kaayo og papel ang mga kabatan-onan sa pagtamod sa Semana Santa aron magpabilin gihapon nga presko ang maong tradisyon.

Amenado si Po nga busy ang mga kabatan-onan sa ubang butang apan importante usab kaayo nga mogahin gyud og oras sa pagpamalandong.

Dugang pa niya nga ang lig-ong partisipasyon sa kabatan-onan sa mga kalihukan sa Semana Santa maoy instrumento sa pag-preserbar sa maayong imahe sa mga batan-on bahin sa kaaktibo niini sa spiritual nga bahin sa ilang kinabuhi.

Pipila sa mga kalihukan nga padayong gisalmotan sa mga batan-on karong panahona naglangkob sa Via Crusis, Bisita Iglesia, recollection ug uban pa.  - BANAT NEWS