Napaso nakagawas na
CEBU, Philippines - Nakagawas na sa miaging adlaw sa Chong Hua Hospital ang bata nga si Kean Carl Villarico human sa duha ka buwan kapin nga pag-estar niini sa maong tambalanan gumikan sa grabeng paso sa lawas sa maong masuso.
Si Kean usa sa tulo ka mga bata nga napaso sa usa ka kahimanan nga nasunog sa Pediatrics ward sa Cebu Ciy Medical Center niadtong Pebrero 20 karong tuiga.
Samtang mipasalig si Mayor Michael Rama nga ang siyudad maoy moabaga sa P832,261 nga hospital bill ni Kean.
Nasayran nga ipaubos gihapon si Kean sa nagkadaiyang obserbasyon hangtod nga maalim na sa hingpit ang nahibiling samad ug paso niini sa lawas.
“Okay naman ang bata,” suma pa sa amahan ni Kean nga si Rolan sa dihang nahinabi sa Banat News kagahapon.
Gipahibalo usab ni Rolan nga padayon karon siya nga nag-follow-up sa gipasalig nga trabaho nga ihatag sa City Hall kaniya.
“Karon kay wala na gyud ko’y trabaho giinterview naman ko sa City Hall, seguro ako na siya nga i-follow up,” dugang pa ni Rolan. (BANAT NEWS)
- Latest
- Trending
