Mipalit og buwad gipatay

CEBU, Philippines -  Patay na ug wala nay kinabuhi ang usa ka mag-uumang mipalit og buwad ug suka human kini pusila sa wala mailhing tawo diha sa barangay Caliongan lungsod sa Dalagute kagahapon sa buntag.

Ang namatay nailhan nga si Pasiano Balighot Ambrad, 46, nga nakaangkon kini og duha ka samad pinusilan sa iyang likod.

Sa pakighinabi sa Banat News sa imbestigador sa Dalaguete Police nga si PO2 Franklin Dian, giingong napalgan sa usa ka Joel Calingaban ang biktima diha sa dalan nga wala nay kinabuhi.

Nakuha sa kapolisan sa crime scene ang usa ka kabhang sa kalibre .45 ug usa ka slug niini. Gisusi pa sa kapolisan kun duna bay nakakita sa maong krimen aron pag-ila sa mga mamumuno. (BANAT NEWS)