Way labot sa reklamo si VG Sanchez - reklamante

CEBU, Philippines -  Giklaro sa kanhi consultant ni Bise-Gob. Gregorio Sanchez, Jr., Manuel Manuel, nga wala’y apil sa iyang gikihang mga opisyal sa Kapitolyo ang iyang amo mahitungod sa giingong anomalosong pagpalit sa luna sa mga Balili sa dakbayan sa Naga.

Si Manuel miduso na sa iyang manifestation sa uluhang buhatan sa Ombudsman aron pagklaro sa maong isyu.

Tulo ka reklamo ang giusa sa Ombudsman mahitungod sa Balili ug usa niini kang Manuel.

Ang laing duha gikan sa buhatan sa Ombudsdman-Visayas ug kang Crisologo Saavedra batok nilang Gob. Gwendolyn Garcia, Sanchez ug mga sakop sa Hunta Probinsiyal. Ang Ombudsman nimando na sa mga hingtungdan sa pagtubag sa reklamo.

Base sa kamandoan sa Ombudsman, nalakip si Manuel sa mireklamo batok sa iyang amo nga si Sanchez. (BANAT NEWS)