Pagpugos sa lone district sa Mandue pamolitika

CEBU, Philippines - Nagduda si 6th district Congressman Gabriel Luis "Luigi" Quisumbing nga may nagpahiping pamolitika ang pagpamugos sa pipila ka mga tawo nga mahimong lone district ang siyudad sa Mandaue.

Kini maoy tubag ni Quisumbing sa padayong nga panawagan sa konseho sa siyudad sa Mandaue ngadto kaniya sa pagduso na sa balaudnon nga maghimong lone district ang Mandaue City.

Sigon pa ni Quisumbing nga dili siya makahimo sa panawagan sa mga opisyales sa Mandaue sanglit ang balaod ug ingon man ang Konstitusyon maoy nagpugong kaniya sa pagduso niini.

Giklaro ni Quisumbing nga uyon kaayo siya nga mahimong lone district ang Mandue apan sa pagkakaron sanglit ang konstitusyon nagtumbok nga dili mahimo ang pagka-lone district sa usa ka syudad kun dili maka-qualify ang maong lugar nga mahimong usa ka buwag nga distrito.

Si Quisumbing niingon nga mahimong walay pulos ug mag-usik-usik lamang siya sa iyang kahago sa pagduso og balaudnon nga mabasura lamang kay dili makabarog nga usa ka lone district ang lungsod sa Cordova ug Consolacion nga nagkinahanglan og dili muminus 250 mil ka voting population.

Matud pa ni Quisumbing nga nagtuo siyang may politikanhong interest ang nagpaluyo sa lakang nga ma-lone district ang Mandue nga si Mayor Jonas Cortes hinungdan nga gipamugos gyud niini ang maong lakang.

Dugang pa ni Quisumbing nga dili usab makagamit sa ‘peoples initiative’ ang mga opisyales sa Mandaue aron mapatuman ang maong lakang tungod kay sigon sa Batakang Balaod magkinahanglan kini og 12 porsiyento nga botos sa tibuok nasud ug tulo ka porsiyento matag distrito sa tibuok nasud. (BANAT NEWS)