CEBU, Philippines - Tungod lang sa babaye nagdinunggabay ang duha ka lalaki usa kanila ang namatay pasado alas-6 sa miaging gabii diha sa C.Padilla sa barangay Mambaling siyudad sa Sugbu.
Nakabsan sa iyang kinabuhi mao si Renante Catipay, 36, dunay kapuyo ug nagpuyo sa Alaska Mambaling samtang talandugon ang kahimtang sa gikaaway niining si Oliver Daclan, 39.
Sigun sa imbestigasyon sa kapulisan nagbutyag ang biktima kuyog sa usa ka Franklin Arabis ug mi-order og beer sa tindahan diin wala magdugay naabot usab si Daclan.
Giingong kalit lang mibunot og kutsilyo si Catipay ug gidunggab si Daclan diha sa iyang dughan apan nakabawos si Daclan sa pagdunggab ngadto sa biktima makadaghang higayon.
Matud sa igsuon ni Renante nga dunay karaang panagbangi iyang igsuon tali kang Daclan lima na ka tuig ang nakalabay gumikan lang sa babaye. - BANAT NEWS