CEBU, Philippines - Nunot sa mga nagsunod-sunod nga krimeng gikalambigitan sa mga sakop sa Carcar Anti-Criminality Task Force (CACTAF) ning semanaha ang officer-in charge sa Cebu Provincial Police Office nga si Sr. Supt. Patrocinio Comendador mimandong imbestigahon ang maong grupo.
Buot ni Comendador nga ipasusi sa hepe sa Carcar City Police Station nga si Chief Insp. Ali Baron kung gigamit ba sa personal nga katuyoan sa maong grupo ang ilang posisyon.
Matud pa ni Comendador nga dili siya makapanghilabot sa maong grupo kini tungod sa city council resolution nga nagmando sa katukoran niini.
Kahinumdoman nga duha ka sakop sa CACTAF nga mao sila si Felix Pantilgan ug Enrico Racoma, hepe sa CACTAF ang gipasanginlang nalambigit sa duha ka insidente sa pagpamusil niining semanaha diin usa sa mga nabiktima namatay.
Si Racoma kasamtangan karong gitanggong sa karsel sa Carcar police station samtang si Pantilgan gipangita pa gihapon. (BANAT NEWS)