CEBU, Philippines - Usa ka kanhi bilanggo sa Cebu Provincial Detention and Rehabilitation Center (CPDRC) ang miduaw sa buhatan ni Gob. Gwendolyn Garcia niadtong adlaw nga Miyerkules aron magpasalamat sa educational scholarship nga nadawat nga diin natapos niini ang iyang kurso.
Ang maong inmate sa CPDRC mao si Bryan Fernandez kinsa napriso tungod sa pag-atubang og kasong pagpanglugos apan na-dismiss tungod kay wala na mopadayon ang reklamante sa kaso. Si Fernandez mibalik pagtungha sa kursong Bachelor of Elementary Education major in General Education sa Cebu Normal University inabagan sa gobernador.
Matud pa ni Fernandez nga dili siya makatoo nga mahatagan siya og scholarship sa probinsya kay usa man siya ka binilanggo. (BANATNEWS)