CEBU, Philippines - Usa ka suspetsadong tulisan ug usa ka suspetsadong drug pusher, nasikop sa kapolisan sa managlahing dapit ug oras sa Metro Cebu sa miaging gabii.
Ang suspetsadong tulisan nailhan nga Reckler Pasion, alyas Coco, 19, ulitawo nga taga sitio Pulang Bukid, barangay Alang-Alang dakbayan sa Mandaue, samtang ang suspetsadong pusher mao usab si Elourde Sanchez, 52, nga taga sitio Pandayan, barangay Poblacion Occidental, lungsod sa Consolacion.
Si Pasion didto dakpa sa kapolisan nga nagdala og warrant of arrest sa ilang balay, samtang si Sanchez didto usab hidakpi sa ilang balay dihang gironda kini sa kapolisan ug nasakmit ang 12 ka paketeng gituohang shabu nga gibana-banang nagkantidad og P12 mil.
Sa pagkakaron nagpahayahay na sa prisohan ang maong mga dinakpan. (BANAT NEWS)