Electrical wire maoy gigamit paghikog

CEBU, Philippines - Nagbitay nalang nga naabtan sa igsuon ang usa ka 19-anyos nga dalaga human kini gituohang naghikog pasado alas-12 sa udto sulod sa iyang lawak sa Dancar Village Dunggo-an syudad sa Danao.

Ang namatay giilang si Juvelyn Pasaje Perez, 19, molupyo sa maong lugar kinsa napalgang may hikot sa iyang liog nga usa ka electrical wire nga nakaingon sa iyang kamatayon.

Sa imbestigastyon sa kapolisan sa syudad sa Danao nasayran nga ang igsuon sa biktima nga si Rhea maoy nakabantay sa nagbitay nga electrical wire sa ilang lawak.

Hinungdan nga iya kining gisusi ug mao nalay iyang nakit-an ang igsuon nga wala nay kinabuhi nga nagbitay sa kisami sa ilang kwarto tungod niini daling nangayo og tabang si Rhea sa iyang ginikanan apan wala na kini matabang pa.

Nasayran usab sa kapolisan nga sa wala pa mahitabo ang insidente si Perez nag-away sa iyang igsuong lalaki ug ingon man sa usa ka tomboy sa wala pa masayri nga hinungdan.  - BANAT NEWS