CEBU, Philippines - Gimandoan ni Mayor Jonas Cortes si Fiscal Benvienido Mabanto nga mopasabot bahin sa nasugamakan niining kontrobersiya ngadto sa mga sakop sa traffic board sa regular nga panagtagbo niini sa sunod semana.
Si Mabanto makadaghan na makasugat og kaso nga naglakip sa usa ka langyaw nga namasangil nga iyang gidapatan uban ang pagpamatid.
Dugang pa ni Cortes nga iyang hatagan og higayon si Mabanto nga makapasabot sa iyang bahin sa dili pa siya tangtangon gikan sa katungdanan isip miyembro sa traffic board sa dakbayan.
Si Cortes miingon nga kinahanglang paminawon sa mga sakop sa hunta ang pagpasabot ni Mabanto nga maoy basehan sa iyang lakang.
Midugang siya nga imbitahon usab nila ang drayber sa maong higayon aron makapahayag usab kini kun giunsa siya ni Mabanto.
Matud pa sa mayor nga wala siya makakuha og hingpit nga detalye bahin sa pagpamatid ni Mabanto sa maong biktima.
Sa laing bahin si Bise Mayor Glenn Bercede mibutyag sa Banat News ug miingon nga andam nilang ipatawag sa konseho si Fiscal Mabanto kun mosugot ang mayor.
(BANAT NEWS)