18 Inspectors ipakatap sa kalungsoran - CPPO

CEBU, Philippines - Gipakatap na karun sa lalawigan sa Sugbo ang 18 ka mga bag-ohay palang nga na-promote nga mga inspectors nga gikan sa Camp Crame.

Ang Deputy Provincial Director for Operation Supt. Teofilo Siclot Jr., mibutyag nga sa 18 ka mga inspectors duha lang niini ang ibutang sa provincial headquarters.

Matud pa ni Siclot nga ang 16 iapod-apod sa mga lungsod nga diin ang mga hepe duol nang moretiro o moretiro na o ba kaha nagbansaybansay.

Sumala pang Siclot nga adunay pipila ka kapolisan nga mitunol na sa ilang optional retirement karung tuiga sa ilang serbisyo ug ang maong mga bag-ong opisyal maoy ihulip kanila.

Midugang usab si Siclot nga lakip sa ilang gibilin sa ilang headquarters mao ang abogadong si Inspector Julius Ompad kinsa maoy Chief Legal officer sa maong buhatan. (BANAT NEWS)