Olango palamboon ni Radaza

CEBU, Philippines -  Gitinguha ni Mayor Paz Radaza ang pagpalambo sa isla sa Olango nga naglakip sa panginabuhi sa mga molupyo nga nagsalig lamang sa panagat.

Si Konsehal Alexander Gestopa Jr, nga maoy district councilor sa maong isla miingon nga ang tanan plano pa lang sa mayor ug nanghinaot ang tanan nga makabaton og katumanan ang maong plano.

Si Mayor Radaza miingon nga dili pa angayang himoong lungsod ang Olango hangtod nga dili mosaka ang panginabuhi sa mga molupyo sa maong isla.

Kun unsaon niya ang pagpauswag sa panginabuhi sa katawhan malagmit unya na niya ibutyag sa umaabot nga mga panahon.