26-anyos gipusil tipi

CEBU, Philippines - Usa ka 26-anyos nga lalaki napalgang wala nay kinabuhi diha sulod sa iyang balay nga wala pa mahuman sa sitio Upper Dita, barangay Pulangbato, dakbayan sa Sugbo kagahapon sa kaadlawon.

Ang biktima mao si Joebert Lage, residente sa maong dapit nakaangkon og usa ka samad pinusilan sa dughan nga maoy hinungdan sa iyang kamatayon.

Base sa imbestigasyon sa kapolisan nga si Lage gipusil samtang diha sulod sa iyang balay ug ang kriminal diha sa gawas pila ka metros lang ang distansiya nanukad sa pagpamusil. Si Obet Oca, 54, residente usab sa maong dapit maoy mitaho sa kapolisan kabahin sa hitabo.

Nakita ni Oca nga si Lage nga nahay-ad na ug naligo sa kaugalingon niining dugo diha sulod sa balay niini.

Ang kapolisan nagpahigayon og follow-up nga imbestigasyon sa insidente. (Brenda Batuto/EIM) (BANAT NEWS)