Biñas hayan i-summary hearing

CEBU, Philippines - Gikatakdang ipatawag ang hepe sa kapulisan sa dakbayan sa Talisay nga si Supt. Henry Biñas sa Regional Investigation and Detective Management Division (RIDMD) sa Police Regional Office-7 may sa labot sa giingong pagpanghinol niini sa usa ka reporter nga si Carmel Loise Matos.

Si Sr. Supt. Patrocinio Comendador, hepe sa RIDMD nga nahinabi sa mga tigbalita nagkanayon nga ila nang nadawat ang kopya sa affidavit ni Matos ug iyaha na kining giduso sa buhatan ni Chief Supt. Ager Ontog Jr.

Matud ni Comendador anha na sila mohimo og pre-charge investigation kung makasumitir na sa iyang tubag si Biñas ug kun duna silay makitang probable cause sa pasangil ni Matos magtudlo dayon sila og summary hearing officer alang na sa Simple Misconduct o kaha Grave Misconduct nga kasong administratiba.

Si Biñas daan nang mihimakak sa pasangil ni Matos ug nagkanayon nga wala gyud siyay dautang motibo niini ug andam siyang moatubang sa bisan unsang imbestigasyon nga pagahimuon batok kaniya. (BANAT NEWS)

Show comments