Patay'ng lawas ilhan na

CEBU, Philippines - Nailhan na kagahapon ang patay’ng lawas sa usa ka lalaki nga gilabay didto sa Sityo Palalong barangay Guimbuwangan lungsod sa Barili niadtong Domingo sa kaadlawon.

Ang hepe sa Barili Police Station nga si Sr/Insp. Marlon Gumabao mibutyag sa Banat News nga ang biktima mao si Yrwin Jasper dela Torre Tabalen, 34, ulitawo, way trabaho, nga taga C. Padilla, barangay Mambaling dakbayan sa Sugbo.

Matud ni Gumabao nga mitawag kaniya kagahapon sa udto ang tinugyanan sa Tupas Funeral Parlor sa Carcar ug mibutyag nga ang amahan sa biktima nga si Florentino Tabalen, nga taga syudad sa Sugbo maoy miila sa biktima.

Matud ni Gumabao nga nakit-an nila ang biktima nga nagbuy-od sa daplin sa karsada didto sa Guimbuwangan nga gibaatan og masking tape ang baba niini nga gisuwatan og “Idol ko si Angelo Reyes, kawatan”, unya “pyait must die”. - BANAT NEWS