Pagdagsang sa mga turista gipangandaman

CEBU, Philippines - Gipangandaman sa kagamhanan sa dakbayan sa Lapulapu ang pagdagsang sa mga langyaw nga mga turista nga mosaksi ug mosalmot sa 1st Davis Cup para sa tennis nga gitakda sa Marso niining tuiga sa maong dakbayan.

Si Konsehal Harry Don Radaza nga maoy chairman sa committee on sports sa konseho sa dakbayan nga nahinabi sa Banat News miingon nga aron ikabutang sa siguro ang kinabuhi sa mga langyaw kinahanglang madugangan ang puwersa sa kapolisan nga mobantay kanila.

Si Konsehal Radaza miingon nga sa kasamtangan daghan nang mga tennis player gikan sa mga nasud sa gawas ang anaa na sa dakbayan nga nagpaabot nga mosalmot sa Davis Cup. (BANAT NEWS)