CEBU, Philippines - Usa ka tulisang de motor nga daghan nang gipatay nga biktima nadakpan didto sa sitio Lapyahan sa barangay Labogon, dakbayan sa Mandaue sa miaging gabii.
Ang nadakpan mao si Ruel Ursal, 18, ulitawo nga nagpuyo sa maong dapit.
Si Inspector Estephane Amamag-id, hepe sa Presinto 3 nga nahinabi sa Banat News miingon nga nag-atubang na daan og kasong pagpangawat si Ursal busa may warrant of arrest na alang kaniya nga giluwatan sa korte.
Matud pa ni Amamag-id nga dihang girekisa nila ang lawas sa suspetsado nakuhaan nila kini og lima ka linikit nga pinaugang dahon sa marijuana nga maoy hinungdan nga pasakaan usab kini nila og kaso sa paghupot og illegal nga drugas. Dugang pa ni Inspector Amamag-id nga si Ursal giila usab sa mga natulisan niya ug gani ubay-ubay na ang gipatay niining tawhana, sumala sa kapolisan.
Gitataw ni Morpos nga adunay mga kauban si Ursal nga ilang gipangita karon ug gipaabot usab nila ang dugang pang mga biktima nga moadto sa ilang buhatan aron sa pagpalig-on sa kaso batok kang Ursal nga gibalhog na karon sa bilanggoan. (BANATNEWS)