Nagdala og mga bala gikan sa US sikop
CEBU, Philippines - Nasikop sa mga sakop sa Customs Sub-Port of Mactan (CSPM) ang tawo nga nagdala og nagkadaiyang piyesa sa armas de fuego ug mga bala sulod sa International arrival section sa Mactan Cebu International Airport (MCIA) sa milabay’ng adlaw.
Ang nadakpan mao si Richard Espinosa Kahler, hingkod nga taga Don Mariano Cui St. dakbayan sa Sugbo, nga gikan pa sa Estados Unidos.
Nasayran gikan kang Calvin Bonaobra ang OIC sa MCIA Passenger Service sa CSPM nga si Kahler luwan sa Cathy Pacific Flight CX 921 gikan sa Hong Kong dihang makapaduda ang dala nga mga bagahe niini.
Dihang gihiling sa mga sakop sa Customs Police nasuta nga mga nagkadaiyang mga piyesa ug mga bala sa armas de fuego ang sulod sa maong bag.
Base sa Customs Declaration slip nga gipirmahan ni Kahler, wala niya ideklara nga may dala siyang mga kahimanan sa mga armas de fuego.
Ang nakompiskar mao ang 2 ka CTR AR15/M16 uban sa Htube kit, 1 ka. ADAMS arms star 4-ex-P pat pend, 1 pc. Leupold Mark 4tm 30mm high ring, 2 ka magazine Glock 22, 35, 40 S&W, mf22115, 12 ka kahon nga Carbon 357sig125 gr JHP (20 rounds per box), 1 pc. leupold tactical optics, 1 pc. Briley 40 S&W gun barrel with plasic cage ug 6 pcs *Internal parts of briley sulod sa plastic bag.
Matud pa ni Col. Nario nga illegal ang pagdala ni Kahler sa maong mga butang kay wala siyay "permit to import" gikan sa FEASSAGS ug anaa siya karon sa kustodiya sa kapolisan sa tugpahanan. (BANATNEWS)
- Latest
- Trending
