Balay bakasyonan ugdaw

CEBU, Philippines - Usa ka balay nga bakasyonan sa pamilyang Macias naugdaw sa kayo sa King’s North Street, Dona Rita Village, barangay Banilad dakbayan sa Sugbo sa miaging kaadlawo.

Matud pa ni SFO2 Nilo Daculan sa Cebu City Fire Department nga ang duha ka andanang balay nga nasunog nagkantidad og Pl.2 ka milyon nga gipanag-iya ni Virgilio Macias.

Miingon si Daculan nga nahibulong sila kay walay nagpuyo nga tawo ang maong balay kay bakasyonan ra kini sa pamilyang Macias apan nganong nasunog.

Nagtuo sila nga kuryente ang hinungdan sa maong sunog nga milanat og 10 minutos ang pagkontrolar nila sa kayo.

Kini human madawat nila ang alarma sa ala l:38 sa kaadlawon ug gibombahan dayon nila sa tubig ug dihang naugdaw, nakontrolar usab nila ang kayo. (BANAT NEWS)