CEBU, Philippines - Gisuspenso ang klase sa tulo ka publikong tulunghaan sa elementarya ug high school sa dakbayan sa Mandaue tungod sa padayong hulga sa kalit nga pagtubo sa tubig.
Ang mga opisyal sa eskuylanan sa maong dakbayan mibutyag nga ang mga tulunghaan sa elementarya nga wala magklase hangtod karon mao ang Basak Elementary School sa barangay Basak ug Guizo Elementary School sa barangay Guizo, ug ang Tipolo High School sa barangay Tipolo sa maong dakbayan.
Hinuon gipasabot sa mga opisyal sa Department of Education nga aron nga dili kuwangon ang mga adlaw sa klase, kinahanglang hulipan kini sa higayong mobalik na ang normal nga kahimtang sa panahon.
Nasayran nga sa Basak Elementary School 61 ka klase ang apektado sa gipahunong nga klase samtang 11 sa Guizo Elementary School ug sa Tipolo High School wala pa maihap sa mga kadagkoan sa eskuylahan. (BANAT NEWS)