Talisay wa pay environmentalist
CEBU, Philippines - Ang kagamhanan sa dakbayan sa Talisay wala pay natudlong environmentalist matud ni city administrator Richel Bacaltos.
Niadtong buwan sa Nobiyembre sa milabay’ng tuig ang buhatan ni Bokal Thadeo Ouano mipadala og letter request ngadto sa buhatan ni Mayor Socrates Fernandez sa Talisay nga nag-awhag sa mayor nga mosumiter sa ngalan sa ilang natudlong Environmental and Natural Resources Officer (ENRO).
Ang maong kamanduan ni Ouano gipasubay ubos sa Sangguniang Panlalawigan Resolution No. 1637-2010 nga nagkanayon “Requesting Cities and Municipalities of the Province of Cebu to appoint or designate a permanent Environment and Natural Resources Officer”.
Apan matud ni Bacaltos nga wala pa sila’y napili o matudlo nga tawo sa Talisay alang ning maong katungdanan.
Sa pagkakaron ang buhatan sa City Planning Development Coordinator (CPDC) mao unay in-charge sa mga seminar ug mga forum kabahin sa kalikupan.
Kun adunay mga katalagman nga mugna sa kinaiyahan, ang City Disaster Coordinating Council maoy gipiyalan sa pag-atiman niini.
Niadtong buwan sa Septiyembre 2010 ang Hunta Probinsiyal milig-on sa resolusyon Numero 1637-2010 nga gipangamahanan ni Bokal Ouano kabahin sa nahisgutang tumong.
Ang mga tipik sa maong resolusyon nagkanayon “the Local Government Code of 1991, requires the position of an Environmental Natural Resources Officer (ENRO) as optional and not mandatory, as such, wherein almost all municipalities in the province did not fill-up this position”. - BANAT NEWS
- Latest
- Trending
