Mga kapitan insured na
CEBU, Philippines - Ang mga barangay kapitan sa tibuok lalawigan sa Sugbo dili na mabalaka kun magkasakit sila tungod kay giparehistro na sila sa kagamhanan sa lalawigan sa Sugbo ubos sa PhilHealth Insurance.
Kini human pirmahe sa miaging adlaw ang Memorandum of Agreement (MOA) tali sa mga miyembro sa Provincial Federation of Association of Barangay Council ug sa mga opisyales sa PhilHealth didto sa Cebu International Convention Center kon CICC.
Ang maong pinirmahay gihimo nila ni Regional Vice President William Chavez sa PhilHealth ug ni Gobernador Gwendolyn Garcia.
Misaksi usab sila si Provincial Board member Ribomapil “Joeyboy” Holganza Jr., Provincial Health Officer Dr. Cristina Giango, Provincial Social Welfare Officer Marivic Garcis ug PhilHealth Division Chief Jeaneth Ann Advincola.
Si Chavez mitumbok nga ang sagad sa ilang mapa-enroll isip miyembro mao lamang ang mga labing kabos nga mga pamilya.
Apan labing una pa kining higayon nga ang nagpa –enroll mao ang mga barangay kapitan pinaagi sa pagpasiugda ni Gobernador Garcia.
Gipanghinaot niya nga ang gobernador magpadayon sa pagsuporta sa mga programa sa PhilHealth. (BANAT)
- Latest
- Trending
