Ulitawo gitabanga'g dunggab naangol

CEBU, Philippines - Nabulit sa samad ang lawas sa usa ka ulitawo human kini tabangi og dunggab sa grupo sa mga batan-ong bugoy sa barangay Poblacion, dakbayan sa Lapulapu sa miaging gabii.

Ang biktima mao si Lurence Caminade, 18 , nga taga barangay Maribago sa maong dakbayan.

Si SP02 Rolito Jumao-as sa homicide section sa kapolisan sa maong dakbayan miingon nga naglakaw lang ang biktima sa maong lugar dihang kalit lang mitumaw ang grupo sa mga bugoy nga lalaki.

Unya gidasmagan ang biktima ug gipanunggab kini nga misangpot sa iyang pagka-angol.

Gihatod dayon ang biktima ngadto sa Vicente Sotto Memorial Medical Center sa dakbayan sa Sugbo samtang padayon pang gipangita sa kapolisan ang mga criminal.  (BANAT NEWS)