Police clearance P40 ra- Digal

CEBU, Philippines - Gimandoan ni Sr. Supt. Erson Digal ang hepe sa kapolisan sa lungsod sa Daanbantayan nga hunongon na ang pagpangluwat og computerized police clearance kun ugaling dili makahatag og resibo ang kapolisan sa mga manglukatay niini.

Giluwatan ang kamanduan ni Digal subay sa daghang nadawat niya nga reklamo gikan sa mga residente sa lungsod nga pangayoan sila sa kapolisan og P80 nga bayad police clearance apan walay resibo.

Apan si Mayor Maria Luisa Loot sa Daanbantayan mireklamo ug nangutana nganong ipahunong ni Digal ang pagpangluwat og police clearance.

Gipasabot ni Digal nga ang molukat og police clearance adto mobayad og P40 sa munisipyo, unya ang maong resibo, maoy dad-on sa manglukatay og police clearance ngadto sa police, dayon una pa moluwat og police clearance ang police ngadto sa manglukatay niini.

Nakaingon si Digal nga syaro naman usab ka-elementarya niining eksplinasyona og dili gihapon makasabot ang taga Daanbantayan nga Kabinisaya niining pulonga.

Miawhag siya sa katawhan sa Daanbatayan nga kun ugaling dili gyud sila hatagan og resibo sa ilang lukaton nga clearance delikado basin dili masulod sa panudlanan sa gobiyerno ang ilang bayad nga P80, kundili adto ra sa bulsa sa tigluwat sa maong clearance.  (BANAT NEWS)