Relic ni St. John Bosco gihugopan sa mga tawo

CEBU, Philippines - Gihugupan sa mga deboto ang imahe ni St. John Bosco atol sa pagbisita ani dinhi sa Sugbu isip kabahin sa rota sa pilgrimage route sa giilang “Father of the Youth.”

Ang pagbiyahe sa maong relic sa tibuok kalibutan gisugdan niadtong Abril 25, 2009 alang sa kasumaran sa ika-150 nga anibersariyo sa founding Salesian of Don Bosco.

Ang relic sa 19th-century Italian Saint nga gisakay sa usa ka karo nga adunay samin may sulod nga bukog ug unod sa walang kamot sa Santos ug gisulod sa iyang wax replica.

Atol sa gipahigayong Santos nga Misa niadtong Domingo sa Our Lady of Lourdes Parish sa barangay, Punta Princesa, gatusan ka mga deboto ang mikuyog sa prosesiyon og tungod sa kabaga sa mga nanguyog, gisirhan ang mga kadalanan libot sa simbahan.

Magpabilin ang imahe ni St. John Bosco dinhi sa Sugbu hangtud sa adlaw’ng Huwebes diin isuroy kini ngadto sa Don Bosco Technology Center sa Punta Princesa, Don Bosco Boys’ Home sa Liloan Cebu, Don Bosco Youth Center sa Pasil, Don Bosco Formation Center sa Lawaan, Talisay City, Mary Help of Christians School sa Minglanilla ug diha sa Cebu Metropolitan Cathedral.

Human dinhi sa Sugbu, ang relic mobisita pa og walo ka dapit sa dili pa kini dad-on didto sa Manila sa Disyembre 23 nga maoy katapusan niining dunguanan sa dili pa kini mobalik ngadto sa Europa. (BANAT NEWS)