Gipusil tungod sa iro

CEBU, Philippines - Usa ka lalaki naangol human kalit gipusil sa usa ka wala mailhing lalaking naalimungawan tungod sa paghot sa iro gikan sa pagkatulog diha sa daplin sa dalan sa sitio Mahayahay sa barangay Carreta pasado alas 4:00 sa kaadlawon kagahapon.

Ang biktima mao si Ronald Oyora, 19, mulopyo sa nahisgutang lugar apan lumad nga taga baranggay Tapilon, Daanbantayan.

Base sa imbestigasyon sa Homicide Section sa Cebu City Police Office (CCPO) ang biktima naglakaw kauban ang iyang duha ka higala naglakaw sa maong dapit dihang nahitabo ang pagpamusil.

Matud pa nga adunay mga iro nga nagpunay og paghot niadtong tungura ug ang wala mailhing gikatahapan kalit nga mibangon gikan sa gihigdaang lingkuranan duol sa dalan dayong pusil kanila duha ka higayon.

Ang biktima daling gidala sa mirespondeng mga sakop sa Emergency Rescue Unit Foundation sa Cebu City Medical Center samtang nakaikyas ang gikatahapan. Posibleng naisturbo ang gikatahapan maong namusil kanila. (BANAT)