DepEd ok sa x'mas party

CEBU, Philippines - Ang mga tulunghaang publiko sa dakbayan sa Mandaue, elementarya ug high school gitugotang makapahigayon og Christmas Party apan palikayan ang dagkong galastohan.

Mao kini gibutyag ni District Supervisor Belen Sanoria sa Department of Education (DepEd) sa dakbayan sa Mandaue sa pakighinabi sa Banat News.

Matud pa ni Sanoria nga gipanghimangnoan nila ang ilang mga magtutudlo nga dili mangolekta og amot sa kabataan alang sa Christmas party kay panahon karon sa krisis ug pirmeng apike sa kuwarta ang mga ginikanan.

Dugang pa niya nga ang mga magtutudlo mao nay mangita og paagi sa pagpahigayon sa ilang party basta ang mahinungdanon nga dili sila makahasol sa mga tinun-an ug sa mga ginikanan niini. - BANAT NEWS