Congress of Cardiology sa ASEAN malampuson

CEBU, Philippines - Malampuson ang tulo ka adlaw nga 18th ASEAN Congress of Cardiology sa Waterfront Hotel ning siyudad sa Sugbo sa miaging adlaw. Gitambongan ang maong panagkatigom sa kaliboan ka mga doktor  sa sakit sa kasingkasing nga gikan sa nagkalain-laing mga nasud, sa tibuok kalibotan.

Lakip sa mitambong mao ang mga cardiologist gikan sa nasud sa Malaysia, Indonesia, Singapore, Thailand, Myanmar, and Vietnam.

 Gibutyag ni Dr. Eleana Lopez, ang President of Philippine Hearth Association ( PHA) ug Overall Chair of Congress of Cardiology, nga ang maong kalihukan labing unang gihimo dinhi sa Sugbo.

Hinuon iyang gitataw nga makaupat na kahigayon kining gipahigayon dinhi sa Pilipinas apan karon pa kini mahitabo dinhi sa Sugbo. Gipasabot ni Dr. Lopez nga napilian sa tanang mga miyembro sa maong organisasyon ang Sugbo tungod sa kadaghan sa nadunggan nga report kalabot sa maayong pagdumala ni Gov. Gwen Garcia sa lalawigan.

Gisugdan ang maong kalihukan niadtong Disyembre 1 ug natapos kini niadtong Disyembre 3 ning tuig 2010. (BANATNEWS)