CEBU, Philippines - Nakabsan sa kinabuhi ang usa ka ulitawo kinsa gituohang naghikog sa sulod sa ilang balay sa barangay Mactan, dakbayan sa Lapulapu sa miaging buntag.
Ang namatay mao si Jeffrey Pejana, 21, kinsa naghikot og nylon nga pisi sa iyang liog kansang tumoy gigaid sa sagbayan sa ilang balay.
Si PO3 Dioscoro Arong sa homicide section sa kapolisan sa maong dakbayan miingon nga wala nila matataw gikan sa mga kabanay sa namatay ang hinungdan sa paghikog niini.
Hinuon wala usay timailhan nga may foul play ang kamatayon ni Pejana. (BANAT NEWS)