CEBU, Philippines - Gisentro karon sa kapolisan ang imbestigasyon nga posibleng adunay ‘inside job’ sa nahitabong pagpangilad sa manager sa Development Bank of the Philippines (DBP) sa Bogo Branch niadtong niaging adlaw diin P75 mil ang nasakiyo sa mangingilad nga nangangkong anak ni Bogo Mayor Junie Martinez Jr. Ang hepe sa Cebu Police Provincial Office (CPPO) Sr. Supt. Erson Digal Mibutyag atol sa interbyu sa Bantay Radyo nga iyaha nang gimanduan ang hepe sa Bogo Police Chief Insp. Alvin Balio nga maoy mangunay pagdumala sa imbestigasiyon. Kini human nakita ni Digal nga dunay sayop sa maong transaksiyon gumikan sa pagsalig dayun sa manager sa DBP bank nga si Juanita Mata ngadto sa usa ka babayeng nanawag ug nagpailang anak ni mayor Martinez Ug gipahatud pa dayun ang kwarta niining tag 500 pesos nga mobalor og P75 mil.Matud ni Digal kadudahan kaayu kUn nganong misalig dayun ug nganong gipahatud pa gyud ang kwarta sa usa sa mga staff niini nga si Cristopher Gutierrez nga unta mahimo ra man nga paanhaon sa bangko ug anha himoon ang transaksiyon.Hinuon matud ni Digal nga duna na karun silay hulagway sa suspek nga maoy mikuha sa kwarta ngadto ni Gutierrez Ug gani nakig-alayon na sila sa Thief and Robbery Section sa Cebu City Police Office (CCPO) aron matandi ang maong hulagway sa mga suspek sa pagpangawat ug pagpangilad dinhi sa dakbayan nga duna nay record sa buhatan sa kapulisan.Hinoon una nang gipadayag ni PO3 Ramonito Canja sa Bogo Police dihang nahinabi ning tigbalita nga posibleng bag-o pa ang maong manager nga nadestino sa DBP Bogo branch tungod kay misalig man dayun kini sa caller nga nangangkong si Dra. Martinez nga anak sa mayor sa maong lugar.
(BANAT NEWS)