CEBU, Philippines - Duha ka tawo nga suspetsado sa pagpamusil patay sa miaging gabii sa barangay Tawason, dakbayan sa Mandaue nadakpan sa mga sakop sa Investigation Detection and Management Bureau (IDMB) sa miaging gabii.
Si Inspector Ramil Morpos, hepe sa IDMB sa Mandaue City Police Office (MCPO) nga nahinabi sa Banat News miila sa ilang nadakpan nga mao sila si Benjamin Nabuada Ycong, 29 , ug Rolando Balansag Basilgo, 30, nga pulos taga barangay San Jose sa dakbayan sa Sugbo.
Ang duha maoy giila sa mga saksi nga maoy mipusil patay kang Erwin Bernard Macasaet, 24, ulitawo nga lumad nga taga Bukidnon, sa Mindanao, apan manindahay og puto sa dakbayan sa Mandaue, nga temporaryong nagpuyo sa sitio Common sa barangay Barangay Bacayan , dakbayan sa Sugbo.
Matud pa ni Inspector Morpos nga gidala sa mga supetsado sa sitio Hilltop sa barangay Tawason sa maong dakbayan ang biktima ug gipusil ang ulo niini nga maoy hinungdan sa hinanali niyang kamatayon.
Si Inspector Morpos miingon nga padayon pa nilang giimbistigar ang mga suspetsado. (BANATNEWS)