CEBU, Philippines - Usa ka puya nga babaye nga giputos og panapton didto ilabay sa daplin sa sapa sa sitio Mahusay, barangay Subangdaku, dakbayan sa Mandaue ug napalgan kini sa usa ka molupyo sa maong lugar sa miaging buntag.
Si SPO3 Alfredo Andales sa kapolisan sa Presinto 2 sa Subangdaku Police Station miingon nga usa ka Hilda Castro, 46, nga nagpuyo sa maong dapit maoy nakakaplag sa maong puya dihang nanglimpiyo kini sa palibot sa maong dapit.
Gituohan nga ang maong puya may lima ka bulan sa tiyan sa usa ka wala hiilhing inahan.
Matud pa ni SPO3 Andales nga mihimo na sila og pakisusi karon pamasin nga mailhan ang inahan sa bata.
Si SPO3 Andales nagkanayon nga ang maong puya temporaryo nilang gipahiluna sa usa ka punirarya sa Ibabao Estancia sa pagkakaron. (BANATNEWS)