Mandaue kuwang og firetruck

CEBU, Philippines - Ang Bureau of Fire Protection (BFP) nagkinahanglan og dugang firetruck karon nunot   sa nagkadaghang establisemento sa reclamation area, matud pa ni Mayor Jonas Cortes sa dakbayan sa Mandaue.Matud pa ni Cortes nga sa pagkakaron may 8 ra ka firetruck ang kabomberohan sa dakbayan sa Mandaue apan ang duha niini dili magamit tungod kay nangaguba na.

Si Cortes miingon nga duha ka mga firetruck ang iyang gitinguhang idugang samtang iya usab nga gisusi kun unsay ikatabang niini sa nasudnong kagamhanan niini.

Giangkon ni Cortes nga pipila sa ilang mga firetruck karaan na kaayo kay napalit kini sa kagamhanan sa dakbayan sa panahon pa sa iyang amahan nga si kanhi Mayor Demetrio Cortes sa mga tuig 1960 ug nadugangan kini og surplus nga firetruck sa iyang panahon na.

Matud pa ni Cortes nga gawas sa firetruck nga iyang gitinguha nagkinahanglan usab siya og dugang pa nga kahimanan sa kabomberohan nga ilang magamit sa pagtubag sa sunog. – BANAT NEWS