CEBU, Philippines - Usa ka kandidato sa pagkabarangay kapitan sa barangay Korte sa lungsod sa Carmen mireklamo sa buhatan sa Provincial Comelec Office batok sa iyang kontra nga mga kaalyado sa mga Durano kinsa migamit og logo sa BAKUD. Matud pa ni Election Assistant II Boy Gonnie Neiz sa Provincial Comelec Office nga ang mopasaka unta og kasong disqualification batok sa iyang mga kaatbang sa politika mao si Lozero Zamora sa barangay Korte lungsod sa Carmen.Matud pa ni Neiz nga nakakuha gyud og mga hulagway si Zamora sa mga campaign material sa iyang gikaatbang nga may logo sa BAKUD party ug maoy gisilbi niining lig-ong ebedinsiya.Sigun pa ni Neiz nga usa ka kalapasan sa balaod sa Comelec ang gihimo sa gireklamong kandidato nga wala usab hinganli niini tungod kay ang election sa barangay usa man ka non-partisan.Hinuon giklaro ni Neiz nga wala nila dawata ang maong election protest tungod kay ang pagdawat nila og election protest napupos niadtong Oktobre 15.Matud pa ni Neiz nga iyang gitambagan ang reklamante nga moduso og kaso ngadto sa Provincial Prosecutors Office aron madisqualify ang mga kaatbang niini nga nakalapas sa probisyon sa balaod sa election.Kini aron kahimoan dayon kini tukmang lakang kay sa adto pa kini modangop sa law department sa COMELEC nga molanat pa og pipila ka bulan o katuigan una kini maresolbar. – BANAT NEWS