Inasal Festival gamayra og budget apan OK

CEBU, Philippines - Si Bise Mayor Alan Bucao sa dakbayan sa Talisay mihangop kang Budget Officer Edgar Mabunay ug sa mga kauban niini tungod sa pagkamalampuson sa gipahigayong Halad Inasal Festival (HIF) niadtong Biyernes nga gamay ra og gasto.

Si Mabunay maoy nangulo sa paghan-ay sa mga kalihokan sa maong tinuig nga piyesta.

Si Bucao nga nahinabi sa mga tigbalita nagkanayon nga ubos sa usa ka milyon ka pesos ang gasto sa maong kalihokan itandi sa milabay nga tuig.

“Dili siguro mo motuo, pero ang among budget less than a million, no point of comparison, daku kaayo ang budget last year,” ni Bucao pa.

Apan gipanghinaot niya nga sa sunod tuig mapun-an pa ang budget sa HIF aron labi pa kining mabulokon.

Mga ala l:00 sa hapon niadtong Biyernes gisugdan ang pasunding gikan sa Talisay City Hall paingon ngadto sa Talisay Central School sa barangay Poblacion diin gipahigayon ang dance showdown sa mga contingent ug ang parade of colors gipasiugdahan sa Talisay City College Reserve Officer Training Corps.(ROTC) .

Ang Sister’s of Mary nga tulunghaan maoy napiling   Best in Audio Van, Best in Street Dancing ug Best in Ritual Showdown.

Ang Cebu Saint Therese ,maoy napiling Best in Andas ug ang Saint Scholastica’s Academy napili nga Best in Costume. (BANAT NEWS)