244 titulo sa 93-1 ipanghatag

CEBU, Philippines - Gipahibalo sa Kapitolyo nga ang nahibiling 244 ka mga land titles alang sa mga benepisyaryo sa 93-1 ipanghatag na karong adlaw nga Biyernes.

Matud pa ni Capitol Consultant on Information Rory Jon Sepulveda nga ang maong pagtugyan sa maong mga land title ug deed of sales adto unta ipahigayon sa Cebu International Convention Center (CICC).

Apan tungod kay may gikatakdang kalihukan sa maong adlaw sa CICC, ang pagpang-apod-apod sa mga titulo adto na lamang ipahigayon sa Capitol Social Hall.

Si Sepulveda miingon nga may special guest sa maong kalihukan nga giingong usa ka dakong opisyal sa gobiyerno apan nagdumili si Sepulveda sa pagtug-an niini.

Nasayran nga gilangay ang paghatag sa maong mga titulo sa yuta sa 244 ka mga okupante nga nakabayad tungod sa eleksyon. Apan tungod sa pag-interbiner ni Department of Interior and Local Government secretary Jesse Robredo napadali ang paghatag sa maong land titles. – BANAT NEWS