Namasilong kay uwan gitulis

CEBU, Philippines - Gumikan sa kakusog sa ulan duha ka mga batan-on ang gitulis sa tulo ka wala hiilhing batan-on didto sa ML Quezon Highway Brgy. Pusok dakbayan sa Lapulapu sa milabay’ng gabii.

 Ang mga biktima mao sila si Rio Carpentero, 20, dalaga nga taga Brgy. Subangdako, dakbayan sa Mandaue; ug Venancio Bungco, 22, ulitawo, nga taga   Brgy. Pusok dakbayan sa Lapulapu, kinsa pulos mga pintor sa usa ka kompaniya sa MEPZ 1.

 Matud pa ni Carpentero nga namasilong sila sa waiting shade sa maong dapit gumikan sa pagbunok sa ulan dihang may tulo ka batan-on lalaki ang miduol kanila.

Unya dihadiha gitionan dayon sila sa mga hinagiban niini sama sa pugakhang, kutsilyo ug batter sa baseball dayong deklarar nga tulis.

Gumikan sa kalisang gihatag ni Carpentero ang iyang kuwata nga balor og P1,200 ug cell phone samtang ang kang Bungco cell phone usab. (BANATNEWS)