Boksidor giluba samtang naglakaw

CEBU, Philippines - Usa ka 18-anyos nga boksidor daling gidala sa tambalanan human madunggabi alas 2 pasado sa miaging kaadlawon sa sitio Nangka, barangay Babag, dakbayan sa Lapulapu.

Ang biktima mao si Makel Ymbong Berdin, 18, ulitawo nga nagpuyo sa maong dapit. Si Berdin nakabaton og samad dinunggaban sa iyang tiyan.

Si SPO2 Ernesto Francisco sa Homicide Section sa kapolisan sa maong dakbayan miingon nga si Berdin miadto sa panimalay sa iyang kauban nga boksidor sa maong lugar.

Samtang naglakaw sa maong dapit ang biktima, nasugatan niya ang grupo sa mga batan-on nga gituohan nga mga sakop sa usa ka gang sa mga malditong batan-on sa dakbayan.

Gibabagan ang agianan sa biktima hangtod nga gidunggab ang tiyan sa kutsilyo.

Human sa hitabo, nanagan lamang usab ang mga batan-on biniyaan ang boksidor nga samaran sa tiyan.

Ang biktima nakapangayo og panab ang sa mga silingan. Unang gidala sa Lapulapu District Hospital sa barangay Babag si Berdin. Human sa pasiunang pagtambal sa mga doktor, gibalhin kini sa Vicente Sotto Memorial Medical Center. - Romeo T. Limpangog (BANAT NEWS)