Tulonghaan gibantaya'g mga polis

CEBU, Philippines - Gihigpitan karon sa kapolisan sa lungsod sa Consolacion ang pagbantay sa mga tulunghaan batok niadtong grupo sa mga batan-on nga nangdani sa mga tinun-an sa pagpasakop sa ilang gang.

Si PO3 Graciano Alin sa kapolisan sa nahisgotang lungsod nga nahinabi sa Banat News mipadayag nga gipatrolyahan nila kanunay ang sulod ug palibot sa mga eskuylahan ug gipakusgan ang check point karon.

Sa nasayran si Konsehal Illuminido Alin nga maoy chairman sa committee on police sa konseho sa nahisgotang lungsod mipalabang og resulosyon nga nag-awhag sa buhatan sa kapolisan sa pagdistino og polis sa mga tulunghaan.

Gibase niya ang maong resulosyon sa mga taho nga iyang nadawat labot sa mga sakop sa gang nga wala na magtungha nga maoy nangagni sa mga tinun-an nga magpasakop sa ilang gang o fraternity.    (BANATNEWS)