Batang di mag-helmet sitahon

CEBU, Philippines - Mibahad ang mga tinugyanan sa trapiko ning dakbayan sa Sugbo nga kadto lamang mga batang gagmay nga magsakay og motorsiklo nga walay helmet maoy ilang sitahon.

Mao kini ang gipasabot ni Jack Jakosalem, ang chairman sa City Integrated Traffic Operation and Management (CITOM) kinsa nagkanayon nga ubos sa gipatumang helmet law, gidili sa mga motorsiklo ang pagpasakay sa mga bata nga nag-edad og ubos sa 10 anyos apan bisan pa niining maong balaod, gitataw ni Jakosalem nga mohatag sila og konsiderasyon sa mga batang ubos sa 10 anyos nga makasakay sa motorsiklo basta mag-helmet lang kini. Iya usab nga gipahayag nga dili kaayo sila estrikto karon sa pagpatuman sa helmet law.

Kini tungod kay ila pang gipaandam pag-ayo ang mga motorista sa maong balaod.

Apan human sa pipila ka higayon nilang ihatag sa mga motorista, higpitan na nila ang pagpatuman sa maong balaod, matud pa ni Jakosalem. (BANATNEWS)