CEBU, Philippines - Ang 701st Cebu Regional Community Defense Center 7RCDG, Army Reserve Command nga nagbase sa Camp Lapu-Lapu, barangay Apas Lahug, dakbayan sa Sugbo magpahigayon og usa ka fellowship meeting karong Septembre 25, 2010.
Ang maong fellowship meeting nga himoon sa alas 9:00 sa buntag adto ipahigayon sa Reservist Center, 7RCDG sa Camp Lapu-Lapu, sa Apas Lahug.
Si Colonel Raymundo Bañares Jr. INF (GSC) Philippine Army (PA) Commander kinsa maoy nagdumala sa 701st Cebu Regional Community Defense Center, 7RCDG, Army Reserve Command, nanawagan sa tanang mga miyembro sa Headquarters Service Company, 1st Cebu Ready Reserve Battalion nga motambong sa maong fellowship meeting.
Si Bañares maoy mangulo sa nahisgutang tigom ug tambongan usab kini sa uban pang mga opisyal 1st Cebu Ready Reserve Battalion.
Atol sa maong tigom adunay mga ipahibalong bag-ong kasayoran kabahin sa organisasyon.
Alang sa dugang kasayoran mahimong tawagon si 2nd Lieutenant Linon Pitao, (INF) PA, CMO Officer sa telepono 2686270. - BANAT NEWS