CEBU, Philippines - Usa ka fetus ang napalgan diha sa sitio Mahayahay 1, barangay Pardo ning syudad sa miaging adlaw.
Ang maong fetus usa ka batang lalaki ug gibana-banang nagpangidaron na kini og lima ka buwan.
Si Jessica Lee, 40-anyos, molupyo sa maong dapit maoy nakakaplag sa fetus.
Matud niini nga nakit-an niya ang fetus nga gibutang sa usa ka karton ug giputos og puti nga plastik nga gilubong sa duha ka wala mailhing lalaki sa usa ka bakanteng luna sa maong dapit.
Ang fetus gidala ngadto sa St. Francis Funeral Homes sa Natalio Bacalso Avenue, dakbayan sa Sugbo. (BANATNEWS)