Ginang gipusil angol

CEBU, Philippines - Talandugon ang kahimtang sa usa ka ginang human kini pusila sa wala hiilhing kriminal didto sa iyang balay sa Purok- 1, barangay Saragosa, lungsod sa Aloguinsan, sa miaging gabii.

Ang biktima mao si Crisanta Juario, 40, minyo nga taga Saragosa kinsa samdan sa tiyan sa bala sa wala hisayring kalibre sa armas de fuego.

Sumala sa kapolisan nga nagpakaon sa iyang iro gawas sa ilang balay ang biktima dihang kalit lang miabot ang wala hiilhing tawo.

Unya walay igong hinungdan gipusil dayon ang biktima, ug dihang nahagba kini sa yuta, misibat usab dayon ang kriminal. – BANAT NEWS