Giluba patay sa kauban

CEBU, Philippines - Nakabsan sa kinabuhi ang usa ka ulitawo human kini dunggaba sa kauban niya sa trabaho didto sa barangay Lower Tunghaan, lungsod sa Minglanilla sa miaging kaadlawon.

Ang biktima nailhan nga si Danilo Ricaplaza Jr, samtang ang suspetsado nailhan usab nga si Wenmel Mateo Guzman, pulos mga ulitawo ug taga Negros, apan nagtrabaho isip katabang sa panimalay sa Minglanilla.

Ang mga kauban sa trabaho sa biktima ug suspetsado natahap nga gikalit og pukaw sa biktima ang suspetsado gikan sa pagkahinanok niini hinungdan nga giluba sa suspetsado ang biktima sa makadaghang higayon pinaagi sa 8 pulgadas nga kutsilyo nga maoy hinungdan sa hinanaling kamatayon niini.

Gipangita pa sa kapolisan ang suspetado human mosibat. – BANAT NEWS