Sugyot sa oposisyon giaprobahan sa konseho

CEBU, Philippines - Nahinangop pag-ayo ang usa ka oposisyong konsehal sa dakbayan sa Talisay human makalusot ang iyang resulosyon sa miaging semana kay wala kini babagi sa mayoridad sa konseho.

Si Konsehal Danny Caballeromapasalamaton kaayo sa mga kauban niya sa konseho kay miuyon kini sa giduso niyang resolusyon bahin sa paghatag og police assistance ngadto sa Fisherman Sea and Ecological Care (FISECA).

 Kini tungod kay sa iyang resolusyon, gipasabot ni Caballero nga nagkinahanglan nga adunay mga polis nga mouban sa mga sakop sa FISECA kun aduna kini operasyon sa kadagatan aron masikop ang mga mananagat nga may ilegal nga panagatug uban pa.

Si Caballero maoy Vice Chairman sa Committee on Environment and natural resourcesnga gipangunahan ni Konsehal Bernard Odilao.

Matud ni Caballero nga igo lang niyang gihatagan og katumanan ang mga yango-ngo sa mga Talisaynon nga naglantaw sa kaayohan sa siyudad.

Ang nahisgutang konsehal nagkanayon usab nga bisan og oposisyon silaiyang gipanghinaot nga hatagan og kahigayonan ang ilangmga proyekto alang sa kaayohan sa siyudad ug sa mga molupyo.

Si Caballero ug Konsehal Romeo Villarante mao ray mga oposisyonsa konseho sa dakbayan sa Talisay.

Si Caballero midugang nga isip bag-ong konsehal sa siyudad nagkinahanglan pa siya og dugang pagtuon sa tanan niyang pagabuhaton. (BANATNEWS)